Geta foreldrar verið til vandræða?

Í nýlegri skýrslu sem unnin var af Cambridge háskóla um agavandamál í skólum kemur fram að foreldrar eiga þátt í vaxandi agavandamálum í Bretlandi. Þetta eru foreldrar nemenda sem eru vanir að fá það sem þeir vilja og ef ekki þá tryllast þeir bara. Þeir vaka of lengi, mæta þreyttir og skapvondir í skólann og eiga erfitt með að fara eftir reglum sem settar eru.  Þegar skólayfirvöld hafa svo samband heim þá standa foreldrar með börnunum nema hvað og eru oft árásagjarnir og grípa jafnvel til ofbeldis.  Í stað þess að reyna finna leiðir til að refsa eða hvetja þá láta foreldrar undan til að halda friðinn og þetta er útkoman.  En hvernig er íslenskur veruleiki.  Getur þessi lýsinga átt við börn og foreldra á Ísland og kannast kennarar hér við Þessa "sveigjanlegu" foreldra?

Lifið heil

Rósa

Athugasemdir

[Gísli Baldvinsson (IP-tala skráð) 22.3.2008 kl. 20:43]

Svo er Kennarasamband Bretlands skyndilega orðið á móti heimanámi. Ástæða: Foreldrar á móti því! Ég bendi á fagleg skrif mín um gleymskukúrfuna og upprifjun námsefnis. Slíkt nám má fara fram í skóla eða hvaða húsakynnum sem er en eru nauðsyn öllu námi.

[Rósa Harðardóttir, 22.3.2008 kl. 22:13]

Já þetta var fróðleg frétt um heimanámið en er þetta ekki bara spurning um hin gullna meðalveg.  Ég man árið sem ég ætlaði að hætta með heimanám en tókst ekki því foreldrar vildu halda því.  Foreldrar bera jú ábyrgð á námi barna sinna er það ekki og því liggur beinast við að þeir taki einhvern þátt í því án þess að það skapi togstreitu og leiðindi.

[Anna Þóra Jónsdóttir, 22.3.2008 kl. 23:59]

Ég er greinilega bæði þessi gamaldags kennari ( og foreldri) því ég vil alls ekki sleppa heimanámi hjá nemendum, hvorki hjá nemendum mínum né eigin börnum. Ég tel það nauðsynlegan þátt í öllu námi að rifja upp og þjálfa þau atriði sem verið er að vinna með hverju sinni.  Reglubundin þjálfun í lestri og skrift er t.d. mjög mikilvæg og oft er næði til íhugunar og dýpkunar á námsefninu mun meira heima hjá nemandanum heldur en í yfirfullum kennslustofum. Það gefur líka báðum aðilum heilmikið þegar foreldrar taka virkan og jákvæðan þátt í að styðja barnið sitt í námi. Heimanámsstund á að vera "gæðastund" - og kennarinn á að stuðla að því með því að leggja til hæfilegt, krefjandi og áhugavert heimanám.

Kannski er þessi stefna Bretanna bara afleiðing  af röksemdarfærslu Bush Bandaríkjaforseta sem sagði að ástæðan fyrir slöku gengi bandarískra ungmenna í hinum ýmsu námskönnunum vera þá " að bandarískir nemendur lærðu of mikið" ..... Hvernig hann fann þetta út er mörgum hulið - en sjálfsagt hefur hann eitthvað til síns máls.....því ef þau lærðu minna þá gætu þau jafnvel orðið forseti Bandaríkjanna.

Ég sæi afreksíþróttamenn reyna að nota þessa kenningu. Æfum minna (jafnvel ekki neitt)  og bætum okkur meira. ..... Þetta á ekki við nema viðkomandi íþróttamaður væri að æfa það mikið að um ofþjálfun væri að ræða...þá væri hægt að minnka álagið - en alls ekki hætta að æfa.

Annars langaði mig bara að segja Gleðilega páska !

[Sigurður Haukur Gíslason, 23.3.2008 kl. 10:33]

Ég hef verið með nemendur sem voru mjög syfjaðir í skólanum. Í viðtölum við foreldra kom það í ljós að krakkinn var í tölvunni þegar foreldrarnir fóru að sofa og vakti við þá iðju fram á nótt. Og foreldrarnir voru ráðalausir??

Var sjálfur að blogga um heimanám, áhugaverð umræða.

[Þorgerður Laufey Diðriksdóttir, 23.3.2008 kl. 13:14]

það kemur mér ekki á óvart að það skuli vera skiptar skoðanir hjá kennurum og foreldrum um gildi heimanáms.

við tölum um þjálfum í lestir sem er nauðsynleg þegar börn eru að ná tökum á þeirri list.

að sjálfsögðu þarf lestur að vera hluti af daglegu lífi alla daga ef við ætlum að nota lestur og skrift sem samskiptamáta samfélagsins.

oft hefur borið á góma umræðan um heimanám í menntaráði RVÍK og þá aðallega í sambandi við lengdan skóladag. RVÍK býður nemendum í 2-4 bekk 5 tíma á viku til viðbótar lögbundinni kennslu.

Þetta var gert til að jafna stöðu foreldra sem gátu keypt svo kallaða heimavinnuaðstoð í sumum skólum borgarinnar.

Þannig var komið til móts við þá sem ekki höfðu ráð á því að borga fyrir heimavinnuaðstoð eða foreldra í þeim skólum þar sem ekki var boðið upp á heimavinnuaðstoð í skólanum

Gefnar voru út leiðbeinandi reglur um  hvernig skyldi notast við þessa tíma en síðan var skólum gefið frjálsræði hvernig þeir væru nýtir.

Flestir skólar innlimuðu þessa tíma í stundaskrá nemenda og fjölguðu þannig kennslustundum.

Margir skólar hafa það að leiðarljósi að heimanám nem í 2-4 bekk verið því einungis heimalestur.

Nokkrir skólar hafa þetta að engu og heimanám er með óbreyttu sniði þrátt fyrir fjölgun kennslustunda.

Mjög fáir skólar hafa merkt þessa tíma sérstaklega á stundaskrá sem heimavinnutíma og er það í sjálfvaldi foreldra hvort nemendur séu í skólanum þessa tíma og vinna heimavinnu undir handleiðslu kennara eða hvort þeir fari heim og vinni vinnuna.

Fyrir menntaráði liggur fyrirspurn um hvernig þessir tímar hafi komið til framkvæmda og hvernig þeir hafa nýst nemendum. Hér er megin spurningin hvort þessir tímar hafi jafnað stöðu nemenda hvað varðar heimanám. þar sem það er þekkt að heimanám ýti undir mismunun.

mér varð þessi fullyrðing ofarlega í huga þegar ég sat á fyrirlestir hjá formanni einstæðra foreldra þar sem hún sagði frá húsnæðishrakningu skjólstæðinga félagsins. þar sem margar fjölskyldur deildu húsnæði sem félagið leigði einstæðum foreldrum.

Þetta er saga allt of margra sem vakti mig til umhugsunar um stöðu barna í þjóðfélaginu og að skólinn á með öllum ráðum að draga úr mismunun.

[Rósa Harðardóttir, 23.3.2008 kl. 13:21]

Já það er þetta með tölvurnar og sjónvörpin sem staðsett eru inn í herbergjum barnanna, hvað vitum við hvenær þau fara að sofa.  Ég veit það sjálf að þegar ég fer "snemma" í bólið þá er oft kveikt á sjónvarpinu hjá unglingnum og síðan tekur það mig hálftíma daginn eftir og 10 tilraunir að koma honum á lappir.  Ég flokkast eflaust undir þessa sveigjanlegu foreldra, en nú á að taka á því eftir páska

En þetta með heimanámið ég er sammála því að það þarf að vera eins og þú segir Anna Þóra lestur, skrift og þess háttar, undirbúningur undir næsta dag, eða þjálfun í kenndum atriðum.  Ef þetta er gert þá má nýta tímann í skóla í "skemmtilegri" verkefni. Sonur minn hafði einu sinni kennara sem lét hann vinna "heimanámið" í skólanum þ.e. hún lét þau vinna verkefni sem voru að mínu mati best fallin sem heimavinna.  

[Kristín Dýrfjörð, 23.3.2008 kl. 17:35]

Áhugaverðar og mikilvægar umræður. Ein móðir sem ég þekki vel hefur staðið í stappi með heimanám barna sinna. Hún ræddi það í skólanum og var þá sagt að það mætti nú alls ekki taka þessa yndislegu stund af foreldrum. Stund þar sem foreldrar og börn lesa saman. Hún sagðist hafa spurt hvort viðkomandi hafi hugleitt að þessi stund geti verið líkari helvíti en himnaríki á sumum heimilum. Það var hennar reynsla. Hún sagði mér að það hafi verið fátt um svör.

Ég sá svo að Kohn "vinur minn" hefur verið að skrifa um heimanám (og samræmd próf), ég skal viðurkenna að ég hef ekkert lesið það sem hann skrifar um það efni en kannski einhver annar hafi áhuga.  

[Rósa Harðardóttir, 23.3.2008 kl. 20:13]

Takk fyrir þetta Kristín. Þarna eru margar áhugaverðar greinar og ég sé að hann Kohn vinur þinn hefur skrifað bók The homework  myth og hér er viðtal sem tekið er við hann um þessi mál. http://www.alfiekohn.org/books/hm.htm#null